MIMITI DICUKUR
Bray siang lugina cangra marengan
Bray siang harepan bagja marengan
Bray siang sungkeman asih nembongan
Bray siang caang padang narawangan
Sekar arum ngalanglangan
Mangkak ligar karembangan
Seungit asih ngarungruman
Wawangi kembang petingan aduh.....
Tungkusan heman.
25/01/11, anak kuring Anggari Simbar Dewi mimiti dicukuran rambutna, dibarung ku du'a ti para sepuh nu anteng sholawatan bari pinuh kadariaan. salasa malem rebo, salah sahiji kawajiban nu jadi kolot alhamdulillah cumpon "akikah" geus dilaksanakeun, sakumaha sunnah Rasul "tujuh poe saparantosna budak babar, kudu di ekahan kalayan mun lalaki dombana dua, pami istrui mah cekap hiji.
sarengsena dicukur scara simbolis, satuluyna mah eta buuk budak teh kudu dibersihan sadayana "dibotakan" dug ka bersih. anu mudah-mudahan, ku dibersihan kitu teh ieu murangkalih bersih tina sagala rupi panyakit lahir tumekaning bathinna, sangkan dina ngajalanan hirup teu leupas ti huripna.
Du'a sepuh nganteur hidep, nung..
sangkan hidep bagja waluya...
amin...
Tidak ada komentar:
Posting Komentar